তোর লাই আঁর হরাণ কাঁন্দে হাগল হাগল লাগে
কেইচ্ছা কেইচ্ছা জাগের মনে বউত মোডা দাগে
বুজাই কইতাম কেন্নে তোরে, হুইনলে আইয়ছ মাইত্তি
হাঁইঞ্জ অইলে চটফডানি দিশামিশা ন' হাই
বিছনাত্তে ন' যাইতে হালদি উডি বোওই যাই
তুই যদি আঁর কাঞ্জাত থাইকত্তি, তাইলে বুইজদি হাইত্তি
কত জনের হিরিত দেইখছি মুয়ে মুয়ে গুরের
এইচ্ছা ত দেখে ন' কেয় হাতালেত্তুন মুরের
মনের কতা মুয়ের কতা আরঅ যেত কতা
কইতাম গেলে বুক হাডি যায় হাই না আঁতামাতা
কইল্লা খুলি দেয়াই দিতাম, হেইচ্ছা হেম কইত্তি
২৫/০৩/২০২০
০১ঃ৫৭ রাত