ফুয়ায় খরে ফুটুং ফাটুং
ফুড়িয়ে খরে ফস্টি
মায় বাফরে দেখলে মনোয়
ইতা হখল নষ্টি।
বাফর খাইছলত ফাইছে ফুয়ায়
ফুড়িয়ে ফাইছে মা'রটা
যেলান রুইছইন গাছর বিচি
ফাইছইন অলান ঝাড়টা।
বাফে থাখে জোয়ার দানো
খায় মদ আর গাইন্জা
মায় থাখে স্টার জলসাত
বিয়ান,মাদান,হাইন্জা।
হারা রাইত থাখে বাইরে বাইরে
খালিন্জিবালা ঘরো আয়
বাফোর লাখান খাইছলত ফাইয়া
ফুয়ায়ও মদ গাইন্জা খায়।
টং টং খরি ঘোরায় ফুড়িয়ে
রাইত দিনোর খবর নাই
বিয়ার আগে ফেটো বাচ্চা
পত্রিকায় হখল খবর ফাই।
মা,বাফ,ফুয়া আর ফুড়ি
খাইছলত হখলর একাকার
মানষর কাছে বুক ফুলাই খইন
তারা স্মার্ট পরিবার।