মেছাব গেলে বরি বাওয়াত
পাইলা কয়টা বাইয়া
মছিদ যাইবার আগে চাইলা
যাইতা দুইটা খাইয়া।
জাগির বাড়ির ছাত্রী ডাকি
বুঝাই কইলা তারে
তল শিরা দি বাইয়া মাছ
রান্দতে কইও মা-রে।
বাধ্য ছাত্রী মাছটাইন লইয়া
কইলো বাড়িত গিয়া
মেছাব কইছইন বাইয়া খাইতা
তেলচুরার ঝুল দিয়া।
ইকান হুনিয়া ছাত্রীর মায়ে
গুস্যা অইয়া ভারী
মেছাবরে জিকাইলা গিয়া
ই-কিজাত মশকারি।
(পাদটীকাঃ- মেছাব=হুজুর/মাওলানা, বরি=বড়শি, বাওয়াত=মাছধরা, বাইয়া=চেলাপাতা মাছ, মছিদ=মসজিদ, চাইলা=চাইলেন, তল শিরা= অল্পঝুলে ভাজা, তেলচুরা= তেলাপোকা,জাগির বাড়ি= লজিং বাড়ি)