২০/১/১৫
গাছত থাকি মাতু পাড়ি
চুলাত দিয়া পুড়া
বল খেলানিত মাঠো গেলো
মিলি জোয়ান বুড়া।
আমন ধানর নেরার মাঝে
কাপড়র দলা দিয়া
গৌলের বার বানাই তারা
লাগলো খেলাত গিয়া।
ধাক্কা-ধুক্কি ঠেলা-ঠেলি
বলে পাও-য়ে লাথি
দৌড়াদৌড়ি করতে করতে
কেউরর হুকায় ছাতি।
খালোর থাকি পানি খাইয়া
বল লইয়া যায় দূরে
গঊল পোস্টের কান্দাত গিয়া
কিক মারিলো জোরে।
চিল্লা-চিল্লি হাউকা-হাউকি
করৈন কানাকানি
রেফারীয়ে আইয়া কইলা
গোল অইছে আধখানি।