মাই যাওয়ার পর বুঝছি অখন
কি ধন আছিল মাই
মাইর লাগি মোর বুকুত জ্বলে
ফিরি চায় না তাই।
থাকতে দুনিয়াত বুঝলায়নারে
মাইর কি কদর
এখনকু আর কিতা অইবো
কাটলেউ গতর।
ভাতর জ্বালা কাপড়র জ্বালায়
কান্দি কাটতো রাত
কিন্তুরে পুত বুঝতে না তুই
জ্বালাই করতে পাত।
বেমার পড়লে মাই ছাড়া কে
আইতোরে তোর ধার
মাথাত পানি ঢালি তোর মায়
রাইত করছৈন পার।
মাইরে কাছাত পাইলে তখন
ঠাণ্ডা অইতো জান
ইতা কথা মনো অইলে
চক্ষুত ছুটে বান।
মাইর মতো আর এই দুনিয়ায়
আপনরে কেউ নাই
বেহেস্ত নছিব করিও মাওলা
এই দোয়া জানাই।