পুতরা আব্দুর রূপ
——————-


হাওন গেলও ভাদও আইলো
খাদও পড়লো নাও
অড়াৎ অড়াৎ পেখর মাঝএ
আর চলেনা পাও।


অগাউ তাকি হগাউৎ যাইতে
লঙ্গিত মারি প্যাচ
দম বারঐ যায় পাও চলেনা
হাঙেদিনউ শেষ।


পেখে চেখে লেবদা অইয়া
পাড়ি দিয়া মাঠ
টানি টুনি জানখান লইযা
কুটুম বাড়ির ঘাট।


ঘাটওর মাঝে লড়া চড়ায়
বাইর করিয়া মুখ
চাচী উঠি চাচারে কওঐন
বেগানা এক লোক।


ভালা করি চাইয়া চাচায়
চাচীরে কঐন চুপ
চিনছৎনানি ইতো আমার
পুতরা আব্দুর রূপ।