জন্ম আমার সিলোটর মাটিত
আমি সিলোটি ফুরি,
হুরু থাখিউ বড় অইছি
সিলোটো ঘুরি ঘুরি।
শহর খানটাত জন্ম অইলেও
গাউরেউ ভালা ফাইতাম,
গরোমো ঠান্ডাত বিদ্যালয় ছুটিত
খালার বাড়িত যাইতাম।
ধানর ক্ষেত আর চাইরবায়দি সবুজ
অলা যেন ভালা লাগতো,
হারাটা দিনউ মাঠো ঘাটো
টো টো খরিয়া খাটতো।
সিলোটি ফুরিনতর মন সুন্দর
ভিতরে নাই কোনো প্যাঁছ গোছ,
হখলরে দেখে ভালা চউখে
দেয়না বুখো চাক্কুর পোছ।
বিয়ার লাগি যারা খইন্না চাও
এখবার সিলোট গিয়া আও,
মনর মতো যদি ফুরি ফাও
সখাল বিয়া খরি লাও।
গ্যারান্টি দিমু এক্কেবারে
খোনো ঠগা খাইতায় নায়,
সিলোটি সব ফুরিনতে তারার
জামাইরে ভালা ফায়।
সিলোটর মাটিত জন্ম আমার
আমি সিলোটি ফুরি,
খুলিয়া খইলাম মনোর খথা
দিওনা মনো ছুরি।


ফুরি>মেয়ে, হুরু>ছোট, অলা>খুব, খরিয়া> করে, খাটতো> কাটতো, হারাটা>সারাটা, হখলরে> সকলরে, বুখো> বুকে, খইন্না> কনে, সখাল> তাড়াতাড়ি, খোনো> কোনো, খইলাম> বললাম, খথা> কথা।