ছাওয়াল টা মোর কান্দিয়া মরিসে, হাঁড়িতে নাই ভাত।
বাপজান তোর নিন পাড়েসে ! নাই কাজ কামাই হাট।
বড়ো বাড়িত হোইচই করি নাগিসে খাবার ধূম!
চাইর টা চাউল দিলো না হয় পেট ভরেয়া থুম।
বাড়ির বাহেরাত কাহোই নাই , হুইসে গাও খান খালি !
শিয়াল কুকুর মাঝত , মাঝত ঘুরেসে বাড়ি বাড়ি।
ভয়তে আসি সবায় হামরা , না হও বাড়ির বাইর ;
অজানা রোগোত মরিসে নাকি শয়ে শয়ে গাও গাও।
না'খায়া না'দেয়া আর কয়দিন কেমন করিয়া বাঁচি ?
আয় বাছা মোর জড়েয়া ধরো পরম তৃপ্তি ভরি।
সাদা কাপড় জড়েয়া দেও তোক কবর খানোত ঘুমা !
কায় জানে বাছা ; কালিকার সকাল দেখিমু কি হামা ?
(রাজবংশী: আঞ্চলিক ভাষায় লেখা)