আইও বন্ধু বেড়াইয়া যাইবায়
আমরার বড়লেখায়।
কাচা পাতির চা খাওয়াইমু
পান গোয়া লগে খাইবায়।
পুবে দিয়া হাটলে দেখবায়
উচা উচা পাড়
লম্বা লম্বা গাছও দেখবায়
চা বাগানও আর।
ঝনঝনাইয়া পানি পড়ের
মাধবকুণ্ড গেলে দেখবায়।
আকালুকির আওর দেখবায়
পইছমে দিয়া গেলে
নানান জাতোর মাছর খেলা
দেখবায় পানির তলে।
মজার মজার মাছ খাওয়াইমু
মন চাইলে নাও দৌড়াইবায়।
সুজানগরোর খ্যাতির কথা
আছে বিশ্ব জুড়ে
বড় বড় ডেগো দেখবায়
আগর আতর পুড়ে।
নামীদামী খুশবো বনের
চাইলে তোরা লই যাইবায়।
আম কাঠালোর এই বড়লেখায়
রইলো দাওত তোমার
ধনে জনে, ফল ফলাদি
আছে বেশুমার।
অত ভালা মানুষ আমরার
যত দিন চাও রই যাইবায়।।