করোনার গফ হুনি বাড়ি থাকি বারই
ওঠার আগে বাজার মুই খরচ ফাতি লই।
ফাছ বস্তা চাউল আর বিশ কেজি ডাইল
ফিয়াজ মরিছ কিনমু যদি না ফাই খাইল।
আদা রসুন কিনমু যেলা ছয় মাস যায়
বাজার যাইতে খইতো না আর হুরুতার মায়।
চিনি লবন তেল কিনি দাম বাড়ার আগে
বেশি খরি কিনমু যেতা মসলা ফাতি লাগে।
সব ফদোর তরকারি আর মাছ গোস্ত দিয়া
ফিরিজ ভরিয়া রাখমু আস্তা খাসি নিয়া।
চাইর আলি মুরগি কিনমু, ডিম বারো ডজন
ফলমূল বাছিয়া কিনমু মাফি মাফি ওজন।
কাপড় ছুপড় আলমারিত যত গুলা আছে
যাইবো গিয়া এই খয়দিন হাসি খুশি নাছে।
যেতা যেতা কিনলাম একটা কাগজো লিখি রাখি
ছাইয়া দেখি কাফনোর কাপড় রইছে আবো বাকি।