নিজোর ঘরো কিচ্ছু নাই
ইফতারিত বইয়া খাইতা
ফতাবালা খাইতা কিতা
কার কাছে গিয়া ছাইতা?


দিনো আনিয়া দিনো খাইন
উফাস থাকইন বহুত দিন
ধার করজো করিয়া আবার
কান্দো বোজা বাড়াইন ঋণ।


মাইনসর কাছে ছাইয়া ছিতি
দিছলা বিয়া ফুড়িরে
আফইর বাফইর করিয়া এখন
জ্বালাইন ঘরোর বুড়িরে।


সিজনো দিতা আম কাঠলি
ইফতারি দিতা রমজানো
তুড়াতুড়ি কম অইতো না
মাইনসর কথা লইন কানো।


ছওয়াবোর আশা একটুও নায়
কেউ করি দেইন ফুটানি
রছুমাতোর দোহাই দিয়া
কটাই মিয়ার যায় জানখানি।