মোর মনটা পাগলা করি
ভাল থাকিস ক্যাংকা করি
মোর মনটার কষ্টটা তুই
বুঝবার পালু না।
মনটা মোর উতলি দিয়া
নুকালু কোনটে গিয়া
এ্যালা যে মোক ভাল নাগেনা
একনা কাজতো মন বইসেনা।
মনটা নিয়া করলু খেলা
দুঃখ মোক দিলু ম্যালা,
এ্যালা মোর আইসেনা নিন
এ্যাংকা করি যায় কতদিন।
তোর বোদে থাকি-থাকি
কান্দে যে মোর মন,
জানোঙ না তোক ছারা
মুই বাচিম কতক্ষন।
আইলা ঝাইলা সরল মনে
ঝর তুল্লু তুই কোন করনে?
মুই কি তোর বারা ভাতোত
দিয়া আসচুনুঙ ছাই,
তোর মতোন পাঁজি কইনা
কোন জগতোত নাই।
২৪/০৭/২০১৯ খ্রিঃ।
সময় ঃ- ০৬.৪৫ মিঃ
স্থানঃ- কুড়িগ্রাম ধরলা ব্রীজ।