মোর মনটা আউলি দিয়া
গেলুরে মোক ফ্যালে
মুই মানুষটা ভাল না মন্দ
দেকলু না চোখ ম্যালে।
গেলু তা আর আলুনা
না আলু-তা নাই
দুরোত থাকিয়া মনটা পুড়ি
উড়াস ক্যানে-তা ছাই।
মনটা মোর আজ গোটায় শুন্য
তুইতো আছিস যোশ,
দুরোত থাকিয়া ছিটাস-খালি
মোরে গারোত দোষ।
যতুলা পারিস দোষ দে.........
মুই তো কাকো দোষ দ্যাও না
সউক নিজের গায়োত মাকোঙ
দোষী হয়া সাজা প্যায়াও ফির
স্বপ্নে তোকে-ই দ্যাকোঙ।
ম্যালা দোষে দোষী হয়া আজ
পরাণ বুঝি মোর যায়
আউলা মনে ডাকাংরে তোক
আয়রে ঘুরি আয়।
মরার আগোত সাজা দিবার
তাও; আয়রে ফিরি আয়।
ইং- ০২/০৯/২০২০ খ্রিঃ
স্থানঃ- মরিশাস দ্বীপ ঘাট।