চট্টগ্রামের আঞ্চলিক ভাষায় লেখা
***********************
ডাক দিলে যওন পরিবু,
হাবিজাবি কি-ইল্লাই গরর।
ভালা-মন্দ ন ভাবি ওডা আদ্দুল্যা,
মাইনসুর মাল পকটত ভরর।
দুদিন পরে কেয়ামতত মাঠত,
হিসাব দিইর ন পারি, মাথা দুখিবি।
এহনত্তুন বই বই চিন্তা গরগই,
মাইনসুর হক মাইনসুরে কেনে বুঝ দিবি?
হালিয়াত্তুন নয়, আজিয়াত্তুন টিক অই যওগই,
এঁত্তে আরাইল্যা পারাইল্যা তুয়াইবু।
গওর জুরে মারি হাইওদে মাইনসুর জিনিস,
মাইনসের হক, এইগিন তো দেয়ান পরিবু।
বুড়া বয়সত আইয়ে রে, হান্দি কি অইবু,
হারি মারি লই, বউ পোয়ারে হাবাই,
আজারাইলে এহন টান মারি লইলে জীবন,
দুইন্যাত যা গইরগও, এডে ন বাচিবা সাতরাই।