তোঁয়ারে লই কেইন গত্তাম আঁই,
মাথাত নো আঁয়ের।
মিডা মিডা হতা জিইন হয়ু,
বেয়াগ হতাত দেইজ্জি ফের।।
আরা জীবন ভাড়াইলা তুৃঁই,
'তুঁই আঁর' 'তুঁই আঁর' গরি।
রসর যৈবন শেষ অই গেল গই,
তোঁয়ার তালত পরি।
উদা উদা যে অইন দিলা,
পানিত ন নিভের।।
বেয়াগ্গুনরে পর বানাইলাম আঁই,
তুঁই পিরিত দিবা হইলা,
ন বুঝিলাম আঁরে দোষী বানাই,
নিজে কিল্লাই ছাপ থাইলা।
তোঁয়ার পাতা ফাঁদত পরি,
আঁর পরান ন বাঁচের।
এক্কান হতা মনত রাইক্কু,
আয়ুন যন তোঁয়ার-আঁর আতত ন।
হনঅ জনমত দেহা অইত পারে,
ইয়ান তুঁই মানঅ আর ন মানঅ।
আঁর জাগাত বোয়ায় চাইয়ুম,
তোঁয়ার কেইন যে লাগের।।