ফাইন্না মজা মুখোর মাঝে
খাইন্না বুঝি কুনতা
বইলে খানিত আফৈর বাফৈর
হখলে খতা হুনতা।
তেল খেনেতে ছালমো বেশি
নুন খেনে খম অইলো
ফিছলা খেনে মাছোর ফেটি
বালা খরি না ধইলো।
ভাত খেনেতে রইলো ফেড়া
একটু যদি নরম অয়
শখ্ত রইলেও উলটা বিফদ
দাতোর মাঝে না লয়।
গোসতো বেশি শিরা দিলে
ছোখ রাঙ্গাইয়া ছাইতা
রইবো খতা করলে ভুনা
হুকনা কিলা খাইতা?
অইলে বয়স সবোর মাঝেও
ইতা বেমার দেয় দেখা
জোয়ান হখলে ইতার লাগি
খরিও না ত দিল বেখা।